Потврден уште еден пријателски натпревар: Во Скопје ќе гостува и Азербејџан

Фудбалската федерација на Македонија ја потврди и втората ноемвриска контролна пресметка на А македонската репрезентација.

На 20. ноември на Националната арена “Тодор Проески” ќе гостува селекцијата на Азербејџан. Три дена претходно, исто така на нашиот најголем стадион ќе одиграме пријателски дуел против Финска. 

Нашата најдобра селекција со истите противници се соочи на контролни натпревари во турски Белек, во март 2018 година. Против Азербејџан одигравме 1:1, без голови заврши мечот против Финска. 

Фото: ФФМ