Вооружен маж пукал во станбена зграда во близина на елитното училиште во главниот град на САД, Вашингтон, во петокот и ранил четири лица, а потоа сам си го одзел животот непосредно пред полициската рација.
Полицијата соопшти дека осомничениот, Рејмонд Спенсер (23) од предградието на Ферфакс во Вирџинија, првично бил идентификуван од видеото што го објавил на социјалните мрежи.
Неколку часа пред објавувањето на видеото, полицијата објави билтен со фотографии од Спенсер, во кој пишувало дека го бараат како „лице важно за истрагата“.
Очевидец претходно за локалната телевизија WUSA-TV изјавил дека слушнал истрели кои траат околу една минута и дека видел жена како истрчува од зградата, која се чини дека била погодена во пукањето, а по неа трчале други луѓе, кои очигледно биле ранети, пренесува Ројтерс.
Тој рече дека видел други луѓе на улица како се кријат зад паркирани автомобили и покажуваат кон балконот, каде што најверојатно се посомневале дека има пукање.
Полицијата на Твитер објави дека на лице место се пронајдени три повредени лица, но нивната состојба не е опишана.
Полицијата на округот Колумбија ги повика жителите во близина на местото на пукањето да се засолнат на безбедно место и соопштија дека присуството на нејзини припадници е поголемо во тој дел.
Престрелката се случила во северозападниот дел на градот, област за која локалните медиуми велат дека е во близина на училиштето Едмунд Бурк, подготвителна академија за приватен колеџ.
Универзитетот во Колумбија, кој исто така е во близина, објави на Твитер дека неговиот кампус е затворен.