Кај тројца заразени ковид пациенти во Македонија регистриран е подвидот на сојот омикрон, наречен БА.2 или како што некои научници го нарекуваат „стелт омикрон“.
Според информации на Фокус пациентите заразени со новиот подвид се двајца од Скопје и еден од Струмица. Нашите извори тврдат дека во лабораторијата на Институтот за јавно здравје направена е типизација на 41 примерок од кои 35 граѓани се носители само на омикрон, додека тројца на новиот подвид. Исто така, се уште е присутен и делта сојот, кој дава потешка клиничка слика на заразените.
Според симптомите, тој е позаразен и побрзо се шири, но исто така има полесна клиничка слика.