„Ги предвидуваме следните чекори. Оние што ја познаваат ЕУ знаат што треба да се очекува. Во однос на преговорите, сите сме фрустрирани од потезите на Унијата. Јасно е дека има голема хипокризија. Веќе плаќаме голема цена и веќе сме платиле голема цена за да стигнеме. Уште не се почнати преговорите, а веќе го сменивме името. Факт е дека не сме во рамноправна позиција со Бугарија, таа го користи членството во ЕУ. Ова се прашања на национален идентитет. Граѓаните веќе реагираат на таа потчинетост. Колку и да сме мали, ние сме суверена држава. Ако ние се почитуваме, ќе не почитуваат и другите“ – вели Малинка Ристевска Јорданова, член на УО на ЕПИ во Студио 10 на ТВ24.
Таа смета дека Борел дојде во Скопје за да даде поддршка за земјава, а истото го стори и во Албанија.
„Најнезгодната точка на неговата посета беше прашањето за отворање на преговорите. Барем беше искрен. Не даде лажни ветувања“ смета Ристевска Јорданова.
