Поранешниот капитен на Манчестер јунајтед, Рој Кин беше безмилосен кон сегашниот носител на лентата, Хери Мегваер за неговото извинување кон навивачите по 0:5 поразот од Ливерпул минатата недела, споредувајќи го со робот.
Мегваер по повредата беше во катастрофална форма, и Кин го издвои него, Лук Шо и Арон Ван-Бисака за поразот од лутиот ривал. Со враќањето на Рафаел Варан при 3:0 победата од Тотенхем, Јунајтед првпат по 10 меча не примија гол.
„Оле мора да е загрижен од шансите кои ги дозволува неговиот тим, кој нема карактер. Мегваер и Шо минатата недела беа срамотни за клубот. Ван-Бисака? Мислам дека ниту Палас не би сакале да го земат назад, тој не е доволно добар за Ман јунајтед. Го слушнав Мегваер во текот на неделата, тој не покажува емоции. Шо е пак као претходните години. Мегваер мора да се среди, тоа не се работи за физичка подготвеност, туку за недостаток на професионализам. Во нападот очигледно има талентирани фудбалери, во средниот ред и одбраната секогаш мора да се грижиш. Мегваер беше како робот. ‘Ер, ер, се извинувам на фановите’. Каде се емоциите?“, вели Кин.
Roy Keane’s impression of Harry Maguire 😂 pic.twitter.com/5rQ7tM0DZX
— Soccer AM (@SoccerAM) October 30, 2021