Членка на Европската унија и НАТО, Романија дели 650 километри долга граница со Украина и таму е инсталиран американски одбранбен систем, а од оваа година на нејзина територија трајно е распоредена борбена група на Алијансата.
Околу 2,65 милиони Украинци избегаа во Европа преку Романија за осум месеци од почетокот на војната.
„Мојот гест (оставка) доаѓа затоа што е невозможно да се соработува со романскиот претседател, врховниот командант на војската“, рече Динку во соопштение.
„Верувам дека моето повлекување од должноста е неопходно за да не им наштетам на одлуките и програмите кои бараат флуидни командни синџири и за да не блокирам низа проекти кои им се многу потребни на… министерството и војската“.
На почетокот на октомври Динку рече дека на Украина ѝ се потребни меѓународни сојузници за преговори за безбедносните гаранции и мирот со Русија, што предизвика критики од претседателот Клаус Јоханис и од шефот на владејачката коалиција. Тој подоцна рече дека неговите коментари биле извадени од контекст.
Јоханис рече дека Украинците во војната платиле со крв и дека само тие можат да одлучат за што и кога ќе преговараат, што е ставот на Романија и ЕУ.
