Русија ги осуди критериумите од ИОК: Тоа е неприфатливо за нас

Рускиот олимписки комитет ги осуди критериумите поставени од Меѓународниот олимписки комитет (ИОК). Тие ги оценија како „дискриминаторски“ критериумите за враќање на руските и на белоруските спортисти на меѓународните натпреварувања, бидејќи тие можат да се вратат само под еден услов – под неутрално знаме.

Станува збор само за индивидуалните спортови, додека за екипните, вратите од ИОК се сè уште затворени за Русите и за Белорусите.

• Најавените критериуми за враќање на меѓународните натпреварувања се неприфатливи. Тоа е дискриминација на национална основа – изјави претседателот на Рускиот олимписки комитет, Станислав Поздњаков, а пренесе ХИНА.