Русија: НАТО сака продолжување на војната

Руското Министерство за надворешни работи реагираше на денешниот Самит на НАТО.

Во соопштението се наведува дека одлуката да продолжи поддршка за Украина укажува дека Алијансата сака да продолжи судирот.

– Одлуката на Западот да испрати оружје ја поттикна украинската Влада да употреби сила против сепаратистичките енклави, кои имаат поддршка од Русија во источна Украина – истакнува руското Министерство за надворешни работи.

Русија претходно изјави дека луѓето во сепаратистичките региони се соочени со геноцид.

Столтенберг: Малку е веројатно дека ќе има војна меѓу Русија и НАТО

Генералниот секретар на НАТО, Јенс Столтенберг, изјави дека смета оти е малку веројатно дека ќе има целосна војна меѓу Русија и алијансата.

Сепак, тој посочи дека ситуацијата во Украина е крајно непредвидлива, а НАТО се соочува со нова реалност и мора да биде подготвен на долг рок.

Поради војната во Украина, НАТО ќе му го продолжи мандатот на Столтенберг за уште една година.