Русија ја извести Финска дека ќе го запре протокот на природен гас во земјата од сабота наутро, соопшти финската веледрогерија Гасум, која е во државна сопственост.
Компанијата одби да му плати гас на руски Газпром во рубли, како што Москва претходно побара од европските земји.
„Навистина е жално што испораките на природен гас ќе бидат прекинати сега и покрај нашиот договор за снабдување“, рече извршниот директор на Гасум, Мика Вилјанен.
„Сепак, внимателно се подготвивме за оваа ситуација и под услов да нема прекини во гасоводната мрежа, ќе можеме да ги снабдуваме со гас сите наши корисници во наредните месеци“, рече тој.
Најголем дел од гасот што се користи во Финска доаѓа од Русија, но гасот сочинува само околу 5 отсто од годишната потрошувачка на енергија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
