Руската војска го уништи цивилниот аеродром во градот Виница, на околу 250 километри југозападно од Киев.
Веста ја соопшти претседателот на Украина, Володимир Зеленски. Досега најголемиот дел од борбите во земјата се водеа на север и исток од Киев, а исто така и во јужните региони. Русите ја уништуваат инфраструктурата во Украина, но беа погодени и градинки, училишта, болници, згради, каде загинаа цивили.
Тедрос Аданом Гебрејесус од Светската здравствена организација(СЗО) потврди „неколку“ напади врз здравствени центри во Украина и истражува други.
