Русија негира каква било можност за инвазија, но акумулацијата на војниците е забележана на сателитски снимки во базите околу северната, источната и јужната граница на Украина.
Американската компанија „Maxar Technologies“ изјави дека овој и минатиот месец снимиле слики со висока резолуција на кои се прикажани многу нови распоредувања на Крим, како и во неколку области за обука во западна Русија, долж периферијата на украинската граница.
Една од тие области е градот Јелња, северозападно од Смоленската област во Русија, оддалечен 260 километри од Украина. Овде се наоѓа воена станица, а на само 35 километри од украинската граница има воен магацин во кој се сместени околу 20.000 руски војници.
Наводно, околу 100.000 руски војници се постојано стационирани во близина на украинската граница, опремени со различно оружје, тенкови и силна воздушна сила.
