Оксана Марченко, сопругата на опозицискиот украински политичар, Виктор Медведчук, кој неодамна беше фатен во Украина, објави видео во кое им се обраќа на семејствата и пријателите на Ејден Аслин и Шон Пинер, британски доброволци кои неодамна беа заробени од руските сили.
„Во ваша моќ е да побарате од британскиот премиер Борис Џонсон да влијае врз украинското раководство и да ги ослободи Ајден и Шон со тоа што ќе ги размените за украинскиот опозициски политичар уапсен од украинските власти, мојот сопруг Виктор Медведчук“, рече Оксана Марченко.
Апелот на Оксана Марченко на социјалните мрежи го коментираше и Марија Захарова, портпаролка на руското МНР.
„Британскиот премиер Борис Џонсон, кој неодамна го посети Киев, секако е свесен што се случи со поданиците на нејзиното височество (алудирајќи на британската кралица Елизабета, op. Cit.). Тој сигурно ќе одговори, зар не?“, напиша Захарова.
„Во меѓувреме, британскиот министер за надворешни работи може да ја искористи можноста да објасни што точно правеле британските граѓани во Мариупол со неонацистите“, додаде Захарова.