Престолонаследникот на Саудиска Арабија Мохамед бин Салман понудил да посредува меѓу Русија и Украина.
Саудискиот престолонаследник Мохамед бин Салман во телефонски разговор во четвртокот со рускиот лидер Владимир Путин понуди да биде домаќин на разговорите за посредување меѓу Русија и Украина, додека конфликтот влегува во втората недела.
Де факто лидерот на заливската држава повика на „политичко решение“ по руската инвазија и исто така ја повтори својата поддршка за групата производители на нафта ОПЕК, во која е вклучена Русија, за стабилизирање на нафтените пазари.
„Престолонаследникот објасни дека кралството ги поддржува напорите што водат до политичко решение, кое ќе води кон крај (на војната) и постигнување безбедност и стабилност, а кралството е подготвено да вложи напори да посредува меѓу сите страни“, соопшти официјалната Саудиската прес-агенција.
Арапските земји во Заливот, вклучително и Саудиска Арабија, најголемиот светски извозник на нафта, главно се воздржуваат од критикување на инвазијата на Русија, со која имаат сѐ поблиски врски.
Меѓутоа, во средата, земјите од Персискиот залив гласаа за резолуција на Генералното собрание на ОН со која „се бара“ Русија „веднаш“ да се повлече од Украина.
Принцот „ја повтори желбата на кралството да ја одржи рамнотежата и стабилноста на нафтените пазари, истакнувајќи ја улогата на договорот ОПЕК во овој поглед и важноста да се одржи“, соопшти СПА.
