ВМРО-ДПМНЕ ја обвинува СДСМ и прашува „со кое право ги споменуваат тутунарите“.
-Истите оние кои ги омаловажувавте и дозволивте неколку години со ред да им се откупува тутунот по мизерни цени! А фалбата: дека вашата грижа за нив ги исплатила субвенциите е крајно неморална и потценувачка кон тутунарите бидејќи со вашето недомаќинско работење и покрај изгласувањето на измените во законот кој немаше никаква врска со субвенциите, вас ви беа потребни скоро цел месец да почнете со исплата на истите со што докажавте пред сите дека немате пари во буџетот а тоа што две недели ги малтретиравте тутунарите да одат секој ден пред банки и да се молат дека тој ден можеби ќе има пари за нив точно ја покажува вашата грижа за земјоделците, стои во партиското соопштение од најголемата опозициска партија.
СДСМ денеска соопшти дека Владата предводена од нив во време на светска економска и енергетска криза, постојано води грижа за земјоделците и инвестира во домашното земјоделско производство.
-Заврши целосната исплата на субвенциите за тутунот од реколтата 2021, а исплатени се вкупно 1.3 милијарди денари или над 20 милиони евра на сметките на 17.000 тутунопроизводители, истакна Гоце Георгиевски од СДСМ.