Дослeдно да ги почитуваме протоколите, за успешно реализирање на наставата со физичко присуство
Денеска по повод на почетокот на второто полугодие, го посетив ООУ„Битолски Конгрес“ – Чаир, Каде на сите ученици и наставници, им посакум многу успеси во воспитно – образовниот процес и пред се им посакувам добро здравје.
Согласно препораките на Комисијата за заразни болести, и земајќи ги и предвид препораките на УНИЦЕФ како најголема светска организација која работи на заштита и унапредување на правата на децата, Владата и МОН донесоа одлука второто полугодие да започне со одложен старт од 2 недели и со физичко присуство на сите ученици според утврдените и донесени протоколи.
Како алтернатива, посочи министерот, постојат дополнителни две сценарија. Едното е преминување на целосно онлајн настава, а другото примена на комбиниран модел, доколку дојде до промена на епидемиолошката состојба која постојано се следи и доколку такви насоки даде Комисијата за заразни болести, од скринингот кој ќе го спроведува Министерството за здравство на ученици одбрани по случаен избор.
Како министерство апелираме на доследно почитување на сите мерки кои се дел од здравствените протоколи – носење маски, одржување лична хигиена преку миење раце, држење дистанца и така натаму, за да ја задржиме наставата со физичко присуство колку што е можно повеќе.