Шефот на американската дипломатија Ентони Блинкен на Твитер го спореди претседателот на Република Српска и лидерот на босанските Срби Милорад Додик со рускиот претседател Владимир Путин. Блинкен му порача на Додик дека скршнал по истиот пат на авторитарно владеење на кој, како што оцени, Путин одамна се наоѓа.
Исто така, тој минатата недела ги нарече Британците „злосторници“ поради најавата за испраќање оружје со осиромашен ураниум во Украина.
Потоа Додик објасни дека одлуката се однесува само на амбасадорите акредитирани во БиХ, но не и на САД и Британија. Претседателот на Република Српска кажа дека е заинтересиран за продолжување на соработката со тие земји.
Блинкен на Додик му возврати со порака дека Мајкл Марфи, американскиот амбасадор во БиХ е личноста која ја спроведува политиката на Вашингтон и дејствува во интерес на просперитетна и демократска иднина на сите луѓе во БиХ. Додик го обвини дека е одговорен за загрозување на основните права и слободи на граѓаните.
