Во рамки на неговата балканска турнеја премиерот на Кралството Шпанија, Педро Санчез Перез-Кастехон утре претпладне ќе допатува во Тирана.
Според кабинетот на албанскиот премиер Еди Рама, по церемонијата на пречекот и средбата на двајцата премиери во 11 часот тие ќе одржат прес-конференција.
– Тој во Тирана ќе допатува од Скопје а претходно ги посети Белград, Сараево и Мостар, ќе ја посети и Подгорица, но ќе ја заобиколи Приштина. Турнејата се очекува да биде негова последна меѓународна активност пред летниот одмор.
Додава дека на 26 јуни, за време на состанокот на лидерите на Европската унија во Брисел, Санчез избра да го „реактивира, оживее и ревитализира процесот на проширување“ за земјите од Западен Балкан.