Италијанската државна компанија ИТА Ервејс откажа повеќе од 200 летови, од кои повеќето домашни. Други авиокомпании, како што е нискобуџетната ЕasyJet, исто така ги откажаа летовите.
Синдикатите за контрола на воздушниот сообраќај CGIL, CISL и UIL повикаа на прекин на работата, што се очекува најмногу да ги погоди аеродромите во Рим, Милано и Венеција.
„Им се извинуваме на сите патници на кои штрајкот можеби им пречи“, се вели во соопштението на УИЛ. Беше кажано дека поради односот на Енав кон барањата на работниците неизбежен е штрајкот на работниците.
Синдикатите бараат промени во работното време и распоредот од Енав, кој делумно е во државна сопственост. Синдикатите порачаа дека ќе продолжат со своите барања, доколку има потреба, со натамошни протести. Последниот штрајк во Енав беше на 17 јули. И тогаш, среде сезоната на летни одмори, беа откажани бројни летови, а патниците останаа на аеродромите.
