Во текот на невремето се уништени автомобили и куќи, затворени се мостови и предизвикани се поплави поради што и транспортот не функционира. Илјадници домаќинства останаа без струја.
Бурата Малик особено напредна во нордискиот регион, носејќи силни удари од ветер и обилни дождови во Данска, Финска, Норвешка и Шведска.
Storm Malik in Scotland. Scary but beautiful… https://t.co/ZAafEspsLG
— Louise Brodén 🌹 (@BrodenLouise) January 30, 2022
Невремето пристигна и во северна Германија откако мина низ Велика Британија, каде предизвика хаос со материјална штета и проблеми со транспортот. Особено беше погодена Шкотска, каде загинаа 60-годишна жена и дете. Во одредени делови на Шкотска ветерот достигна над 160 км/час, а многу домаќинства останаа без струја.
Во Данска исто така дуваше силен ветер проследен со обилен дожд при што беа затворени неколку мостови, како и автопати кои го поврзуваат Копенхаген со Малме. Данските медиуми објавија дека загинала 78-годишна жена од тешки последици по пад на силен ветер. Во Германија, локалните медиуми објавија дека починал маж откако бил погоден со билборд откачен од силното невреме.
Поплавите во некои делови на Данска предизвикаа значителна материјална штета, пријавени се неколку сообраќајни несреќи предизвикани од пад на дрвја и урнатини од ветерот.
Во Норвешка е пријавена голема штета врз домови, автомобили и бродови, додека снежните наноси низ Финска предизвикале сообраќајни несреќи кои го нарушиле автобускиот и железничкиот сообраќај во делови на земјата.