Со кинескиот ракетен систем Србија суверено одлучи како ќе го чува своето небо


Кинескиот ракетен систем ФК-3 во акција/Фото: Министерство за одбрана на Кина

Универзитетскиот професор Методи Хаџи-Јанев за вооружувањето на северниот сосед

Снабдувањето на Србија со кинескиот ракетен систем ФК-3 предизвика загриженост за безбедноста во регионот, а наиде и на предупредувања од ЕУ во поглед на евроинтеграциите на Белград, додека српскиот претседател Александар Вучиќ е категоричен оти вооружувањето е легитимно и со цел да ѝ овозможи на државата да го чува своето небо.

– Ако тргнеме од фактот дека Србија се гледа себеси како неутрална држава, ваквиот потег би требало да е нормален. Како не-НАТО земја, Србија нема обврска да влегува во сојузи или да следи политика и стандарди кои ги припишува Алијансата. Врз основа на безбедносно-оперативната проценка Србија донела суверена одлука за тоа како ќе го чува своето небо. Ако пресликате што се случувало со поранешна Југославија која беше неврзана земја, ќе добиете иста слика – смета универзитетскиот професор од областа на безбедноста, Методи Хаџи-Јанев.

Методи Хаџи-Јанев е професор на Воената академија во Скопје, Правниот факултет во Штип и на Државниот универзитет во Аризона, САД – Фото: Игор Бансколиев

Вооружувањето на Србија беше критикувано од властите во Црна Гора и на Косово, чии лидери порачаа оти Србија купува оружје од држави кои се сметаат за „отворени непријатели на Европа и на НАТО“. На ваквите изјави реагираше остро реагираше Вучиќ обвинувајќи ги црногорскиот претседател Мило Ѓукановиќ и косовскиот премиер Албин Курти дека „шират омраза спрема Србија“.

Србија тајно се снабди со современ кинески ракетен систем „пред носот“ на НАТО?

– Како ги загрозуваме со дефанзивно оружје, не се во состојба да кажат. Бидејќи тоа е систем што служи за одбрана од крстосувачки ракети и авиони што би го нарушиле воздушниот простор на Србија. Како ги загрозуваме Приштина и Подгорица? Какви воздушни сили поседуваат тие, подобро ќе ни беше да купевме спреј „Аутан“ (се користи за заштита против комарци – н.з.) – порача српскиот претседател, а пренесоа српските медиуми.

Вучиќ ја бранеше спогодбата за снабдување со ракетите потпишана во 2019 година, заедно со договорот за купување на кинески вооружени дронови, истакнувајќи дека е „легитимна, потполно регуларна и транспарентна“. Српскиот лидер нагласи дека оружјата ќе бидат употребени за одбрана на државата против „крстосувачки ракети и авиони во случај на нарушување на српскиот воздушен простор“. Тој најави дека српските граѓани в сабота ќе можат првпат да го видат кинескиот ракетен систем ФК-3 во пар со рускиот систем за противвоздушна одбрана „Панцир“, како и оти Србија наскоро ќе ги промени стратегиските акти поврзани со одбраната, со цел за зајакнување на војската за сама да може да го чува своето небо.

– Контроверзноста околу зделката на Србија за купување на кинеските ракети создаде загриженост за проекциите на кинеската воена моќ, како и во поглед на локалните тензии, според аналитичарите. Иако Србија има амбиции за приклучување на Европската Унија, нејзината блискост со Русија и со Кина предизвика загриженост во Европа, додека тензиите од распадот на СФР Југославија и натаму се присутни на Балканот – пишува кинескиот весник „Саут чајна морнинг пост“.

Набавката на „Рафалите“ го става на тест балансирањето на Србија помеѓу Русија и Западот

Истовремено Германија порача дека очекува Србија да се конформира со надворешната и безбедносната политика на ЕУ ако сака да стане членка на европскиот блок.

Кина извезува ракетни системи уште од 60-те години на минатиот век. Според податоците на Меѓународниот институт за политички истражувања во Стокхолм (СИПРИ), Кина досега продаде ракетни системи на речиси 50 држави. М.Ж.

ТОП ВЕСТИ

МНР на Косово ги повика граѓаните да избегнуваат преминување низ Србија

Косовското Министерство за надворешни работи и дијаспора апелираше до граѓаните на Косово да избегнуваат преминување преку Србија, поради ситуацијата на север во државата. „Поради ситуацијата...

Ахмети го посети семејството на Хашим Тачи: Гордо ќе го пречекаме како победник

Лидерот на ДУИ Али Ахмети го посети семејството на поранешниот косовски претседател Хашим Тачи, кој е обвинет од хашкиот трибунал за воени злосторства за...

Ѓоковиќ водеше „жестока војна“ со Давидович Фокина, но обезбеди осминафинале во Париз

Новак Ѓоковиќ успеа да обезбеди осминафинале на Ролан Гарос и тоа откако ја оправда фаворитската улога во дуелот со Алехандро Давидович Фокина. Голема битка се...

Три лица загинаа во сообраќајка кај Кадрифаково, меѓу нив и 15-годишно девојче

Три женски лица го загубија животот, а уште четири се повредени во тешка сообраќајна несреќа што се случи денеска на автопатот Штип - Миладиновци...

Путин поттикнува немири на Балканот како нов фронт во неговата војна против Западот

ДРАГАН МИШЕВ Путин подготвува нов фронт во неговата војна против Западот. За таа цел се чини дека нема подобра опција од тоа да поттикнува...