Украина нуди 1 милион долари и државјанство на руските пилоти кои бегаат.
Украинската државна компанија за оружје „Укроборонпром“ понуди по 1 милион долари за секој заробен руски воен авион. Условот е авионот да биде во состојба подготвена за борба, а понудата важи и за руските пилоти кои се подготвени да побегнат на украинската страна.
Укроборонпром, исто така, објави дека нуди половина милион долари за секој заробен руски воен хеликоптер во способна состојба.
„Им гарантираме државјанство на слободна земја на сите пилоти на Руската Федерација кои се подготвени да учествуваат во програмата“, објави украинската државна компанија.