Хрватскиот премиер Андреј Пленковиќ во неделата наутро пристигна во Киев, соопшти владата.
Заедно со Пленковиќ во Киев пристигна и министерот за надворешни и европски работи Гордан Грлиќ Радман.
Пленковиќ се сретна со украинскиот претседател Володимир Зеленски, пренесе Блиц.рс.
Plenković u posjetu Ukrajini: U Kijevu se sastaje s državnim vrhom #AndrejPlenković #Hrvatska #VolodimirZelenski #Ukrajina https://t.co/W3gygpVkbn pic.twitter.com/YQvLzQdLAr
— ANADOLU AGENCY (BHS) (@aa_balkans) May 8, 2022
– Хрватска знае како е да се биде под воена агресија и продолжува да дава политичка, дипломатска, финансиска, хуманитарна, техничка и секаква друга можна поддршка на Украина, како и помош во згрижувањето на украинските бегалци. Украинскиот државен врв на средбите ќе го информира премиерот за последиците од уништувањето поради руските напади, а ќе се разговара и за натамошната помош и продолжување на европскиот пат на Украина – наведуваат од хрватската влада.
Посетата на Пленковиќ на Украина се случува во пресрет на Денот на Европа, па затоа е израз на солидарност и поддршка за украинските власти и пријателскиот украински народ, кои се жртви на бруталната руска агресија, се наведува во соопштението.
Пред воената инвазија, Пленковиќ беше во официјална посета на Украина во декември 2021 година, а учествуваше и на самитот на Кримската платформа заедно со лидерите на ЕУ во август 2021 година, пренесе Блиц.рс.