Изборот на Ислам Абази за нов шеф на Обвинителството за организиран криминал и корупција покрена медиумска дебата и забелешки дека на чело на ова обвинителство е избран кадар кој имал поддршка од политиката.
Различни медиуми, главно на македонски јазик, објавија неколку фотографии на кои Ислам Абази е виден во друштво на некои политички експоненти на ДУИ. Во текот на целиот ден во вторникот во јавноста имаше реакции дека Абази е непозната и блиска личност на ДУИ.
Новинската агенција „Flaka“ ја пренесе фотографијата од учесниците на активноста на која се гледа Абази со експоненти на ДУИ. Всушност, тоа е слика од 2018 година и станува збор за спортска активност на планината „Кораб“, поточно искачување на врвот „Кораб“ од страна на алпинисти од Косово и Северна Македонија.
Активноста била одржана на 29.06.2018 година од страна на Алпскиот клуб „“Alpin Gjilani и здружението „Kosova Trail Running Associacion“, информираат за „Flaka“ дел од учесниците на активноста.
Активноста била спроведена од двете страни на границата. Планината Кораб, како што е познато, се наоѓа околу граничниот триаголник на Албанија, Македонија и Косово, југозападно од Шар Планина. Учесниците на активноста од Косово и од Северна Македонија се искачиле на надморска височина од 2764 метри. Токму оваа точка била целта на активноста.
Извор: Flaka
