Со новите антикризни мерки:
Сите буџетски корисници се задолжени да ги намалат расходите за стоки и услуги за 10%. Се забранува започнување на нови постапки за набавка на мебел и возила. Сите буџетски корисници и правни лица основани од државата се задолжени за 50% да ги намалат расходите за репрезентација, спонзорства и реклами, како и користењето на службените возила. Сите буџетски корисници добија задолжение да го намалат бројот на службени патувања и значително да се намали бројот на членови на делегации при патувања во странство. Јавните претпријатија и АД во државна сопственост се задолжени да ги намалат тековните расходи за 15%. Им се препорачува на регулаторните тела, на единиците на локалната самоуправа, локалните јавни претпријатија и останатите установи кои се под надлежност на општините, да ги следат донесените мерки и да преземат активности за рационализација на нивните расходи.Антикризните мерки се со важност до крајот на 2022 година, со цел да се рационализираат трошоците во јавниот сектор. Сите институции се должни рационално и одговорно да го трошат Буџетот и да ги намалат трошоците, за полесно надминување на енергетската и ценовната криза со која се соочуваме.
