Австриската управа за конкуренција (BWB) денеска објави дека покренала истрага за малопродажните цени на горивата, која ќе вклучува анализа на движењето на цените во соседните земји, како Словенија и Унгарија. Истрагата треба помеѓу другите актуелни случувања, да ја утврди причината за сегашните цени и недостатоци или ограничената конкуренција, се вели во соопштението на BWB.
Во австриската јавност растат критиките за континуираните високи цени на горивата и покрај падот на цената на нафтата на меѓународните пазари минатата недела. BWB ќе ги анализира цените и маржите на бензинските пумпи и ќе утврди дали се во согласност со прописите за конкуренција, а истрагата ќе ги вклучи и рафинериите, велат од таму.
„ Важни елементи на системската анализа ќе бидат движењата на цената на суровата нафта, цените, трошоците и обемот на рафинериското производство и нивото на цените и циклусите на цените на бензинските пумпи“, информираат од компанијата.
Ќе се земе предвид и состојбата во „некои соседни земји“, истакнувајќи дека, поради замрзнувањето на цените во Словенија и Унгарија, треба да се очекуваат различен притисок на конкуренцијата и промени на цените во пограничните региони.
BWB започна слична истрага во овој сектор во 2011 година.
