Ако видиме досега како им оди односно не им оди во оваа аргументирана расправа на руските хакери во хибридниот свет или во виртуелниот свет се согласувам дека тоа е причината зошто не одат понатаму во хакерски напади, рече Марјан Забрчанец, Национален координатор за Отворен Балкан и за регионални иницијативи во Утрински брифинг.
Забрчанец вели дека за прв пат НАТО или западниот демократски блок демонстрира една консолидираност во комуникациите. НАТО има јасна, чиста комуникација. Северна Македонија е дел од тој комуникациски систем има јасни повторувачки пораки.
Она што сакам да го покажам како паралела е дека за прв пат НАТО или западниот демократски блок демонстрира една консолидираност во комуникациите. НАТО има јасна, чиста комуникација. Северна Македонија е дел од тој комуникациски систем има јасни повторувачки пораки. Тоа е за вчудоневидување, како еден демократски блок успеа да се сосредочи и во краток период да демонстрира, да „бомбардира“ со една прецизна комнуникација.
Забрчанец смета дека руската инвазија врз Украина ја обедини демократијата и сите НАТО членки даваат поддршка за суверенитетот на Украина, а ја осудуваат руската агресија врз Украина.
Демократијата секако е посилна од антидемократијата од таа анти-НАТО пропаганда меѓутоа досега беше разединета, дисперзирана. Би рекол дека руската инвазија врз Украина ја обедини демократијата и денес без никаков поголем напор сите НАТО – членки, цел демократски блок има јасни пораки кои што велат – поддршка за суверенитетот на Украина, осуда за нападот на Русија врз Украина и дијалог за мир.
Ако имаше Украина хемиско или биолошки оружје сигурен сум дека досега ќе го употребеше и немаше да и дозволи на Русија да влезе и да и разурнува цели градови, рече Забрчанец.
Од другата страна имаме исто така јасни, но нелогични повторувачки руски пораки кои што велат – Украина ја нападна Русија, Украина произведува хемиско оружје, западот не му дозволува на Зеленски да преговара а на терен се случува нешто сосема друго. Русија уништува украински градови, Зеленски моли веќе да преговара. Ако имаше Украина хемиско или биолошки оружје сигурен сум дека досега ќе го употребеше и немаше да и дозволи на Русија да влезе и да и разурнува цели градови.
