Реализирана работна средба.
Во просториите на дирекцијата на ЈП”Национални шуми” на 14.09.2021 година се реализира работна средба помеѓу делегацијата од Република Црна Гора во чиј состав беше присутен Министерот за земјоделство, шумарство и водостопанство г-дин Александар Стијовиќ и Државната секретарка г-ѓа Николина Мишниќ и од наша страна, Директорката г-ѓа Јулиана Николова и Заменикот директор др. Берат Дехари.
На состанокот е разговарано за интензивирање на соработката и техничкото унапредување на системот за заштита на шумата од шумски пожари, каде Република Северна Македонија како домаќин на секторот за вонредни ситуации работи на воспоставување центар за делување во кризни ситуации.
Воспоставувањето соработка со цел дополнување на комплементарниот систем би било од големо значење, за да се обезбеди усогласено делување во случај на појава на шумски пожари од поголеми размери. Во таа смисла е разговарано и за формирање на заеднички центри за обука.
Исто така, на состанокот е разменето мислење за пласирање на производите на режана граѓа на четинари и дрвена столарија и дрвени куќи. Во блиска иднина е планирано потпишување на Меморандум за заедничка соработка.