Четири дена по страшниот пожар во тетовската модуларна болница. Креветите, количките и останатата опрема остануваат овде – се чекаат германските експерти да истражат кои се причините за избувнување на овој пожар, кој однесе 14 човечки животи.
Од обвинителството тврдат дека не се пристигнати и се очекуваат да се приклучат на истрагата во следните неколку дена, а градоначалничката на Тетово, Теута Арифи, изјави дека форензичарите се веќе тука. Освен полицајци кои го обезбедуваат објектот, на местото на несреќата денеска немаше други службеници…
-Моите информации се дека истрагите на лице место се завршени, во моментот се собира документација и се собираат сите изјави од очевидци и сведоци, за тоа да се комплетира. Исто така, дел од тимот е веќе и германскиот тим кој работи и кој е специјализиран за реконструкција на вакви настани, вели Теута Арифи.