Државниот секретар на Министерството за земјоделство, шумарство и водостопанство, Реџаил Исмаили денеска заедно со директорот на Управата за води на ова министерство Исни Јакупи, други членови од Министерството за земјоделство и претставници на компанијата кои ги извршуваат работите во оваа дејност одржаа работна средба со градоначалникот на општина Боговина, Бесник Емшиу, во кабинетот на градоначалникот во Боговина.
На работниот состанок стана збор за забрзување на проектот „Ходросистем Равен-Речица“ кој во моментов се реализира на терен и ќе се користи за наводнување на земјоделските површини во Полошкото поле.
Првата фаза е со вредност од 15,5 милиони евра, а заедно со втората фаза, целиот проект ќе изнесува 30 милиони евра, средства кои се обезбедени од буџетот на Министерството за земјоделство.
Хидросистемот, кој моментално е во изградба, се состои од подземни челични цевки кои се поставени на 2 m длабочина во земјата, со должина на главната цевка од 26 km (прва фаза), а потоа ќе следи втората фаза.
Проектот ќе се користи за наводнување на земјоделско земјиште на површина од над 3000 хектари во Полошкиот регион.
На средбата беа детектирани техничките проблеми и беа дадени конкретни предлози за нивно надминување и забрзување, со цел нивна поскора реализација.
